Ástralska leikkonan Nicole Kidman virðist hreinlega hætt að eldast, en hún stillti sér upp fyrir ljósmyndara á rauða dreglinum í gær.
Leikkonan, sem er 49 ára, var gestur á CFDA-tískuverðlaununum í gærkvöldi og klæddist forláta síðkjól úr smiðju Oscar de la Renta. Samkvæmt frétt Daily Mail kostaði kjóllinn 12.000 dollara, sem samsvarar tæplega 1,2 milljónum íslenskra króna.
Kidman geislaði, en hún hefur sjaldan litið betur út eins og sjá má.