Fjölmiðlamaðurinn Atli Fannar Bjarkason tilkynnti á Facebook-síðu sinni í dag að hann væri orðinn pabbi og kærasta hans, Lilja Kristjánsdóttir flugfreyja, væri orðin mamma.
Atli Fannar eignaðist dreng og segir hann meðal annars í stöðufærslu sinni að þeir feðgar séu búnir að grenja svipað mikið síðustu daga.
Það er alltaf stutt í húmorinn hjá Atla Fannari og í lok færslunnar spurði hann meðal annars hvort það væri ekki öruggt að hann mundi kúka bara einu sinni á dag.
Smartland óskar nýbökuðu foreldrunum til hamingju með nýjasta fjölskyldumeðliminn.