Verstu kjólarnir- Rita Ora bar sigur úr býtum

Óskarsverðlaunahátíðin fór fram í nótt og þá fylgdist tískuáhugafólk um allan heim með kjólunum sem urðu fyrir valinu hjá stjörnunum. Eins og gengur og gerist mátti sjá nokkra afar mislukkaða kjóla en kjóll söngkonunnar Ritu Ora á líklegast vinninginn sem versti kjóll kvöldsins.

Rita Ora mætti í eftirpartý Vanity Fair í kjól frá Donna Karan. Kjóllinn er svartur en önnur hlið kjólsins er algjörlega gegnsæ þannig að hálfur rass söngkonunnar blasti við viðstöddum í gær.

Rita Ora er ekki eina stjarnan sem hlaut gagnrýni fyrir klæðaburð í gær. Lady Gaga þótti þá ekki líta vel út en hún mætti með rauða hanska sem minntu helst á uppþvottahanska. Fyrirsætan Irina Shayk mætti þá í afar afhjúpandi kjól sem hefur hlotið misjöfn viðbrögð. 

Söngkonan Solange Knowles og íþróttakonan Serena Williams mættu svo báðar í rauðum kjólum sem hvorugur sló í gegn hjá tískugagnrýnendum.