Mannréttindalögfræðingurinn Amal Clooney er alltaf flott til fara en nýverið kom hún töluvert á óvart með klæðavali því leðurjakki, rifnar gallabuxur og strigaskór með hæl urðu fyrir valinu.
Amal og George Clooney, eiginmaður hennar, sáust saman á röltinu við tökustað kvikmyndarinnar Money Monster en Geroge fer með hlutverk í þeirri mynd. Amal heimsótti eiginmann sinn í vinnuna og klæddist strigaskóm með fylltum hæl frá Ash. Þeir strigaskór kosta 200 dollara sem gerir um 27.000 krónur
Klæðaburður Amal þennan daginn vakti athygli enda er hún tískufyrirmynd margra. Ætli þetta þýði að strigaskór með fylltum hæl séu með endurkomu?