Myndu margir klæðast þessu á stóra daginn?

Efnislítill samfestingur skreyttur glitrandi steinum og perlum er ekki það fyrsta sem kemur upp í huga fólks þegar það hugsar um brúðkaup. En slík flík er hluti af nýjustu brúðarkjólalínu fatahönnuðarins Alon Livné, þetta hefur vakið töluverða athygli.

Samfestingurinn er í ljósum húðlit og, eins og áður sagði, afar efnislítill og glitrandi. Aftan á honum er svo hvítt pils. Sumir vilja meina að dressið eigi frekar heima á sviði í Las Vegas í staðinn fyrir í brúðkaupi.

Þess má geta að brúðarkjólalína Livné hefur að geyma ótal fallega kjóla sem eru hefðbundnir í samanburði við samfestinginn góða.