Hin eina sanna Caitlyn Jenner hefur endurvakið samstarf sitt við snyrtivörurisann MAC og frumsýnir nýja línu þann 5. janúar. Línan er einstaklega vel heppnuð með mildum jarðarlitum og djúpum rauðum.

Í yfirlýsingu frá MAC segir: „Caitlyn Jenner hefur í algjöru óttaleysi deilt umbreytingu sinni með heiminum og nýja MAC línan hennar heldur því ferli áfram. MAC er fyrir alla aldurshópa, alla kynþætti og öll kyn,” segir í yfirlýsingunni en Caitlyn var áður Bruce Jenner, faðir Jenner barnanna í Kardashian-klaninu áður en hún hóf kynleiðréttingarferli sitt.

Fyrra samstarf Jenner og MAC fól í sér „Finally Free“ varalitinn sem frumsýndur var í febrúar í fyrra. Í þetta skipti er hins vegar um heila línu að ræða og eru nöfnin mjög einkennandi fyrir baráttu Jenner og MAC en vörurnar heita nöfnum eins og Tolerance, Compassion, Kindness og Authentic.

Sjá frétt mbl.is: Fyrrum hjónin brostu í jólaboðinu.

Caitlyn Jenner og snyrtivörulínan hennar hjá MAC. Instagram/MAC

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt