Hollywoodstjarna nýtt andlit Neutrogena

Óskarsverðlaunahafinn og stórleikkonan Nicole Kidman er nýtt andlit Neutrogena en áhersla merkisins er á húðvörur. Kidman sem er fjörutíu og níu ára gömul lítur stórkostlega út og er óneitanlega glæsilegur fulltrúi merkisins.

Er Kidman nú komin í hóp ekki ómerkari kvenna en þeirra Kerry Washington, Jennifer Garner, Kristen Bell og Hayden Panettiere sem allar hafa verið andlit merkisins.

Af þessu tilefni deildi leikkonan galdrinum á bak við fallega húð sína. Sólarvörn! „Ég ólst upp í Ástralíu þar sem sólarvörn skiptir gríðarlega miklu máli. Mamma kenndi mér að verja húðina strax þegar ég var lítil stelpa.“

Nicole Kidman er ein þeirra stjarna sem virðast ekki eldast.

• Blogga um frétt