Smartland Mörtu Maríu | Tíska | mbl | 13.2.2017 | 11:03 | Uppfært 12:02

Heitustu kjólarnir á Grammy

Jennifer Lopez klæddist sérlega fallegum kjól á Grammy-verðlaununum í gær. AFP

Grammy-verðlaunin voru veitt við hátíðlega athöfn í gær, og voru allar helstu stjörnur samtímans samankomnar í sínu fínasta pússi. Ekkert vantaði á glamúrinn, eins og sjá má, og vart þverfótað fyrir glæsilegu tónlistarfólki.

Jennifer Lopez klæddist lillabláum kjól úr smiðju Ralph og Russo. Söngkonan er augljóslega óhrædd við að sýna föngulegar línurnar, enda var kjóllinn með himinhárri klauf. AFP

Adele sópaði til sín verðlaunum, en hún klæddist flöskugrænum kjól frá Givenchy. AFP

Drottningin Beyoncé Knowles stillti sér upp með verðlaunagripina sína að athöfn lokinni. Söngkonan klæddist eldrauðum kjól úr smiðju Peter Dundas, en hann var alsettur pallíettum. AFP

Fyrirsætan Chrissy Teigen og eiginmaður hennar, John Legend, litu ljómandi vel út á rauða dreglinum. Teigen klæddist síðkjól úr smiðju Roberto Cavalli. AFP

Lady Gaga fór ótroðnar slóðir í fatavali sínu, eins og endranær, en hún klæddist múnderingu frá Alex Ulichny sem fékk afar misjöfn viðbrögð tískuspekinga. AFP

Solange Knowles skein skært í gylltum síðkjól úr smiðju Gucci. AFP

Einn kjóll var ekki nóg fyrir Solange, en hún hafði kjólaskipti og smellti sér í dress frá Iris Van Herpen. AFP

Demi Lovato leit glæsilega út í síðkjól úr smiðju Julien MacDonald. AFP

Rihanna klæddist topp og pilsi frá Armani Privé, dressið fékk misjafna dóma tískukverúlanta. AFP

Celiné Dion klæddist eiturgrænum kjól frá Zuhair Murad. Kjóllinn þótti minna töluvert á níunda áratuginn, en hann var með stærðarinnar herðapúða og skreyttur stórri slaufu. AFP