Óskarsverðlaunin eru handan við hornið, þar sem það besta sem er að gerast í kvikmyndum er verðlaunað í bak og fyrir.
Kvikmyndir eru þó ekki það eina sem er í forgrunni, því tískuspekúlantar fylgjast jafnan grannt með því sem stórstjörnurnar klæðast á rauða dreglinum.
Stjörnurnar eru jafnan klæddar í sitt fínasta púss, en sitt sýnist hverjum. Enterteinment Tonight hefur tekið saman nokkur dress sem ekki hlutu náð fyrir augum tískuelítunnar.
Árið 1989 mætti Demi Moore í dressi sem hún hannaði sjálf. Margir höfðu þó orð á því að hún ætti að halda sig við leiklistina.
Skjáskot / ET
Kjóllinn sem Geena Davis klæddist árið 1992 vakti ekki stormandi lukku.
Skjáskot / ET
Cher fer sjaldan troðnar slóðir í fatavali, eins og sást á hátíðinni árið 1998, þegar hún mætti í gegnsærri múnderingu frá Bob Mackie.
Skjáskot / ET
Whoopi Goldberg mætti í ævintýralegu dressi á hátíðina árið 1993.
Skjáskot / ET
Céline Dion klæddist hvítri buxnadragt frá Christian Dior og kúrekahatt þegar hún skellti sér á Óskarinn árið 1999.
Skjáskot / ET
Kántrýsöngkonan Faith Hill þótti ekki sérlega smart þegar hún mætti í afar skrautlegum kjól frá Versace á Óskarinn árið 2002.
Skjáskot / ET
Hilary Swank sló ekki í gegn þegar hún mætti á bleikum Dior-kjól á verðlaunin árið 2003.
Skjáskot / ET
Margir höfðu orð á því að kjóllinn sem Uma Thurman klæddist á hátíðinni árið 2004 minnti á sjóræningjabúning. Sú var þó ekki raunin, enda var hann úr smiðju Christian Lacraoix.
Skjáskot / ET
Heidi Klum klæddist lillabláum tjullkjól úr smiðju Marchesa á síðustu hátíð, sem ekki féll í kramið hjá tískulögreglunni.
Skjáskot / ET
Dior-kjóllinn sem Charlize Theron klæddist á Óskarnum árið 2010 sló ekki í gegn og þóttu rósirnar sem hylja barm leikkonunnar ekki sérlega vel lukkaðar.
Skjáskot / ET
Kjóll Bjarkar Guðmundsdóttur ratar á flesta lista yfir ljótustu kjóla Óskarsverðlaunanna, en blaðamaður er þó hreint ekki sammála.
Skjáskot / ET