Hefur ekki klippt á sér hárið í 14 ár

Hin rússneska Daria Gubanova hefur vakið mikla athygli fyrir hárið á sér að undanförnu. En Gubanova ber fallegt og mikið dökkt hár sem nær henni nærri því niður á ökkla. 

Gubanova er ekki hætt að safna. skjáskot/Instagram

Samkvæmt Daily Mail segist hin 27 ára gamla Gubanova ekki ætla að klippa á sér hárið fyrr en það nái niður á tær. 

Þegar Gubanova var 13 ára tók hún þátt í veðmáli við vinkonu sína sem hélt því fram að Gubanova gæti ekki safnað svo síðu hári að hún næði í fléttu. Gubanova hætti að fara í klippingu og leyfði hárinu að vaxa frjálsu og hefur heldur betur unnið veðmálið. 

Talið er að hár Gubanovu sé einn og hálfur metri á lengd en eins og sjá má á myndunum er það líka þykkt þannig það hlýtur að taka á að bera allt þetta hár. 

• Blogga um frétt