Allar fyrirsæturnar vopnaðar

Byssueigendur mættu á tískusýningu The National Rifle Association nýverið þar sem það allra heitasta í byssufylgihlutum var sýnt. Það dugar nefnilega engin venjuleg Gucci-handtaska fyrir byssuna. Meðal þess sem var sýnt voru handtöskur með sérstök hólf undir byssuna. 

Grindhoraðar fyrirsætur voru ekki sjáanlegar á pallinum enda var það alvörufólk með alvörubyssur sem gekk tískupallinn. 

Það má kannski líta svo á að ef gengið er um með byssu borgar það sig að gera það almennilega og geyma þær í sérhönnuðum byssuvösum og töskum. Þannig má ef til vill koma í veg fyrir að þeir sem ekki ættu að vera að meðhöndla þær nái í þær.