Hilfiger með línu fyrir fatlað fólk

Tommy Hilfiger beinir nú sjónum sínum að fötluðu fólki en merkið er að koma fram með fatalínu fyrir fatlað fólk. Fötin eru frábrugðin hefðbundnum vörum frá merkinu á þann hátt að auðveldara á að vera að klæða sig í fötin eða fyrir umönnunaraðila að klæða fólk í þau. 

Bloomberg greinir frá því að um sé að ræða fullorðinslínu en hún kemur í kjölfar krakkalínu merkisins í fyrra. Hilfiger sjálfur lýsir nýju línunni sem þátt í að gera tísku lýðræðislegri. 

Flíkur sem er erfitt að komast í henta ekki öllum og er það algengt vandamál á meðal fatlaðra. Lína Tommy Hilfiger reynir að bæta upp fyrir þetta. Þessi svokallaða aðlögunarlína inniheldur fatnað fyrir bæði konur og karla og er byggð á íþróttalínu merkisins. Buxur verða meðal annars með frönskum rennilás og seglum, auk þess verður hægt að opna buxurnar neðan til meðal annars vegna spelkna. 

Tommy Hilfiger. mbl.is/AFP

• Blogga um frétt