Leikarinn Alexander Skarsgård vakti mikla athygli þar sem hann skartaði nýjum hárstíl á sýningu hjá tískumerkinu Louis Vuitton. Netverjar voru fljótir að benda á líkindi hans og Vilhjálms Bretaprins.
Hárgreiðsla leikarans verður að teljast óvenjuleg en hann er búin að láta fjarlægja allt hár nema á hliðunum. Líklegt verður þó að teljast að Skarsgård sé að búa sig undir tökur á nýrri kvikmynd.
Annars þykir þessi greiðsla gjaldgeng í Buckingham-höll en Vilhjálmur Bretaprins verður seint talinn hárprúður og skartar hann ekki ósvipuðum hárstíl og sænski leikarinn sýndi á rauða dreglinum.