Katrín hertogaynja dró fram gamlan kjól fyrir góðgerðarkvöld í Kensington-höll í gær, þriðjudag. Katrín er ólétt af sínu þriðja barni þannig að hún á gott safn af fötum sem passa á ólétta konu.
Katrín klæddist svörtum blúndusíðkjól frá Diane von Furstenburg. Sérfræðingur í fataskáp Katrínar bendir á að hún klæddist einnig kjólnum þegar hún hitti hljómsveitina One Direction í desember árið 2014, ólétt af Karlottu prinsessu. Hún klæddist honum reyndar aftur mánuði seinna í brúðkaupi hjá vinum sínum.
Þrátt fyrir að það sjáist ekki mikið á Katrínu sást glitta í netta kúluna á myndum sem teknar voru á hlið. Annars var Katrín vör um sig og hélt veski sínu fyrir framan magann eins og hún gerir alla jafna.