Reese Witherspoon mætti í svörtum kjól frá Oscar de la Renta í verðlaunaafhendingu í vikunni. Leikkonan hefði kannski átt að bíða með að klæðast kjólnum þangað til 31. desember enda hentar hann vel í áramótaboðið.
Kjóllinn sem er svartur og stutterma er afar klassískur í sniðinu. Gyllt skrautið á kjólnum gerir hann hins vegar sérstakan og vekur athygli. Witherspoon fullkomnaði síðan útlitið með því að klæðast gylltum klassískum hælaskóm við kjólinn.
Það er afar viðeigandi að vera í fötum sem glitra á áramótunum því hentar kjóllinn frá Oscar de la Renta fullkomlega. Um leið og hann er vænlegur í veisluna er hann ekki of glitrandi enda glitra sum áramótadress aðeins of mikið.