Buxurnar sem fela björgunarhringinn

Theodóra Elísabet stofnaði fyrirtækið Muffintopkiller® fyrir fimm árum. Síðan þá hefur fyrirtækið vaxið og dafnað. Theodóra hefur nú þróað MTK-teygjuna sem er í mittinu sem gerir það að verkum að hún gefur betra aðhald. 

„MTK-teygjuna er hvergi hægt að fá annars staðar en hjá okkur. Við höfum framleitt MTK-teygjuna erlendis í nokkur ár eftir okkar eigin uppskrift sem varð til eftir mikla þróunarvinnu og því getur enginn annar lofað sömu göldrum og MTK en einhverjir hafa gerst svo djarfir að segjast bjóða upp á það sama og við en það er ekki rétt,“ segir Theodóra.

Hún segir að buxurnar henti öllum konum á öllum aldri og í öllum stærðum.

„Það er alveg sama hvernig við erum í laginu, það skiptir okkur allar máli að líða vel yfir daginn og finna til frelsis. Fyrsta verkefnið, eftir að við komum heim, á svo sannarlega ekki að vera það að komast úr fötunum. Málið með MTK-buxurnar er að þú vilt helst aldrei fara úr þeim,“ segir hún. 

Theodóra hefur þróað MTK-buxurnar í ýmsum útfærslum og er núna meðal annars komin með íþróttabuxur, stuðningsbuxur og samfesting sem hefur sömu tækni í mittinu og margt fleira, allt með teygjunni sem gerir mittið lögulegt. Hún hefur einnig þróað vinsælar meðgöngubuxur sem veita stuðning undir kúluna sem gerir meðgönguna auðveldari.

Þegar hún er spurð að því hvað sé svona sérstakt við þessar buxur segir hún að þær geri raunverulega eitthvað fyrir kvenlíkamann. 

MTK-vefverslunin var opnuð í lok árs 2012. Tveimur árum síðar, í lok árs 2014, opnaði MTK-verslunin í Hlíðasmára 4 sem býður upp á buxur, leggingsbuxur og aðhaldsbuxur by MuffinTopKiller ásamt peysum, kjólum, bolum, Tunic og slám by T h e o d o r a.