Leikkonan Kate Hudson var lengi vel þekkt fyrir ljósu lokkana líkt og móðir hennar Goldie Hawn. Leikkonan hefur hins vegar skartað stuttklipptu hári síðan í sumar.
Hudson er stórglæsileg með stuttklippt hárið en eitthvað virðist hún vera að reyna að brydda upp á nýjungum hvað varðar hárgreiðslu. Hudson hefur líklega leikið sér að því að móta hárið með geli og að lokum leit hún ekki út eins og Hollywood-leikkona heldur Hollywood-leikari.
Hudson minnti á 23 ára gamlan Leonardo DiCaprio. Leikkonan hefur greinilega húmor fyrir sjálfri sér og setti myndina sjálf inn á Instagram og spurði hvoru hárgreiðslan færi betur.
Ljósu lokkarnir fengu að fjúka fyrir kvikmyndina Sister en það var tónlistarkonan Sia sem bæði skrifaði og leikstýrði myndinni.