Heimagerður tequila-skrúbbur

Það getur verið gaman að útbúa sínar eigin snyrtivörur og það þarf ekki að vera flókið. Hérna kemur til dæmis uppskrift að tequila-skrúbbi sem tekur aðeins örfáar mínútur að útbúa.

Það sem er merkilegt við þennan skrúbb er að hann inniheldur tequila en það hefur sótthreinsandi eiginleika.

Innihald:

• 1 bolli sjávarsalt
• 4 matskeiðar ólívuolía
• safi úr tveimur límónum
• nokkrir dropar af sítrónu-ilmkjarnaolíu
• 1-2 matskeiðar tequila

Aðferð:
Blandaðu öllu hráefninu saman í litla skál og hrærðu vel þar til skrúbburinn hefur náð eftirsóknarverðri áferð. Skrúbbinn er best að nota samstundis en hann geymist í kæli í um tvær vikur.

Athugaðu: Ekki nota skrúbbinn á viðkvæma eða nýrakaða húð þar sem tequila og límónusafi geta ert húðina.

Uppskriftin kemur af BeautyBets

Tequila nýtist í snyrtivörur, hverjum hefði dottið það í hug?

• Blogga um frétt