„Það gleður mig að fólki finnist ég ólík sjálfri mér“

Netið hefur logað síðan myndir af Renee Zellweger birtust þar sem hún er gjörbreytt og afar ólík sjálfri sér en Zellweger sjálf skilur ekkert í öllum látunum.

Hin 45 ára Zellweger virðist m.a. hafa farið í aðgerð á augnlokum og andlitslyftingu en Zellweger heldur því fram að heilsusamlegt líferni sé ástæðan fyrir þessum miklu breytingum.

„Það gleður mig að fólki finnist ég ólík sjálfri mér. Ég lifi heilbrigðu lífi og er hamingjusöm. Ég er himinlifandi að það sjáist á mér,“ sagði Zellweger í viðtali við People.

Zellweger kveðst hafa viljað tjá sig um málið vegna mikils þrýstings. „Fólk vill fá svör og það hættir ekki fyrr en það fær þau,“ útskýrði Zellweger sem viðurkennir að hún hafi ekki alltaf hugsað vel um sig.

Renee Zellwe­ger er óþekkj­an­leg

Leikkonan Renee Zellweger er eins og ný manneskja. AFP

• Blogga um frétt