Ástralska fyrirsætan og leikkonan Ruby Rose hefur vakið mikla athygli undanfarið. Rose er afar sérstök í útliti enda er hún gullfalleg og þakin áberandi húðflúri. Rose leikur í þáttunum Orange is the New Black og er sömuleiðis andlit Maybelline-snyrtivaranna í Ástralíu. Rose veit hvað hún vill þegar kemur að snyrtivörum.
Rose hefur vanið sig á að nota ódýrar snyrtivörur. Rose kveðst nota rakakrem frá Catephil sem kostar í kringum 2.000 krónur.
Rose, sem málar sig gjarnan mikið vegna vinnunnar, leggur mikið upp úr hreinlæti og hugsar vel um húðina á kvöldin. Hún notar hreinsivatn frá Garnier. „Garnier Micellar Cleansing Water fjarlægir allan farða. Svo fæ ég raka úr Cetaphil-kreminu sem er ódýrasta og einfaldasta vara í heimi.
Ég skola andlitið um það bil þrisvar á dag, ef ég get,“ sagði Rose í viðtali við Beauticate.
Þegar kemur að hárinu þá lætur hún fagmann sjá um það. „Ég fer til rakara í Ameríku, Dylans. Hann er mjög frægur og sér um hár allra, til dæmis hár P. Diddys.“