Útlit Tildu Swinton hefur tekið stakkaskiptum

Leikkonan Tilda Swinton er þekkt fyrir að skarta skjannahvítu, stuttu hári. Sömuleiðis leyfir hún mjólkurhvítri húðinni og hvítu augnhárunum að njóta sín. En Swinton er nánast óþekkjanleg í hlutverki sínu í kvikmyndinni Trainwreck því þar er hún með axlasítt, skollitað hár, sólbrúna húð og dökka augnförðun.

Swinton er sannkallað kameljón. Útlit hennar tekur stakkaskiptum fyrir hvert og eitt hlutverk sem hún tekur að sér en útlitsbreytingin í Trainwreck er sláandi.

Swinton er algjör skvísa í hlutverki sínu í Trainwreck og punkturinn yfir i-ið er svo aðsniðni kjóllinn úr smiðju Victoriu Beckham.

Kvikmyndin Trainwreck kemur í íslensk kvikmyndahús í lok mánaðar.

Amy Schumer leikur á móti Tildu Swinton í kvikmyndinni Trainwreck. Skjáskot úr sýnishorni Trainwreck

• Blogga um frétt