Myndinni eytt að ástæðulausu

Ástralski bloggarinn Constance Hall hvetur fólk til þess að elska líkama sinn hvernig sem hann lítur út. Á dögunum birti Hall mynd af sér og dóttur sinni saman á Instagram og Facebook. Myndinni var aftur á móti eytt út af samfélagsmiðlunum þar sem ákveðinn fjöldi einstaklinga hafði tilkynnt myndina til stjórnenda þeirra og þótti hún ekki við hæfi. 

Hall hvetur fólk til þess að elska líkama sinn. Ljósmynd/Instagram @mrsconstancehall

Hall lét það þó ekki á sig fá og birti í kjölfarið nokkrar myndir af sér fáklæddri þar sem hún gaf þessum tilteknu samfélagsmiðlum millifingurinn. Þetta er ekki í fyrsta sinn sem atvik sem þetta á sér stað. Miðlarnir Instagram og Facebook hafa verið staðnir að því að henda út myndum sem ekkert athugavert er við eins og til dæmis konum að gefa brjóst.

• Blogga um frétt