Lilja Dögg Valþórsdóttir, fyrirliði KR í knattspyrnunni undanfarin ár, er gengin til liðs við Breiðablik og hefur samið við Kópavogsfélagið til tveggja ára.
Lilja er þrítug, leikur sem varnarmaður, og hóf ferilinn á Akureyri en lék síðan með Val, Stjörnunni, Þór/KA/KS, og síðan með KR frá 2005. Hún lék síðan hálft tímabil í láni með HK/Víkingi árið 2008.
Hún hefur leikið 137 leiki í efstu deild með þessum félögum og skorað 7 mörk.