Knattspyrnumaðurinn Heiðar Geir Júlíusson er genginn í raðir Pepsi-deildar liðs Fylkis en hann samdi við Árbæjarliðið út tímabilið.
Það er fotbolti.net sem greinir frá en Heiðar Geir kemur til Fylkis frá Ängelholm í Svíþjóð þar sem hann hefur spilað undanfarin þrjú ár.
Heiðar Geir er uppalinn Framari, miðjumaður, sem hóf að leika með meistaraflokki 2004.
Hann á að baki 85 leiki í efstu og næstefstu deild með Fram og skoraði hann 9 mörk í þeim leikjum. Hann lék einnig með Hammarby í Svíþjóð 2007.