Indriði Áki Þorláksson mun ganga frá vistaskiptum til FH frá Val í dag. Þessi 19 ára gamli framherji hefur aðeins komið við sögu í 8 deildarleikjum Vals í Pepsi-deild karla í knattspyrnu í sumar og skorað eitt mark. Þá lék hann báða leiki Vals í bikarkeppninni í sumar og skoraði eitt mark.
Birgir Jóhannesson framkvæmdastjóri knattspyrnudeildar FH sagði í samtali við fotbolta.net í dag að gengið yrði frá félagaskiptum Indriða í dag.