„Ég er bara fyrst og fremst sáttur með sigurinn. Frábær leikur, erfiður leikur og ég er mjög sáttur með að fara frá Vestmannaeyjum með þrjú stig,“ sagði Ólafur Þór Guðbjörnsson, þjálfari Stjörnunnar í samtali við mbl.is eftir 1:0 sigur liðsins á ÍBV í Pepsi-deild kvenna í kvöld.
Að hans mati skóp liðsheild Stjörnunnar sigurinn. „Þetta var baráttusigur, allir lögðu sitt af mörkum og það var liðsheildin sem skóp þetta fyrst og fremst.“
Nokkur heppnisstimpill var á marki Stjörnunnar. „Auðvitað var smá heppnisstimpill á því en þetta var mark engu að síður.“
„Það er hörkubarátta framundan milli fimm eða sex liða og þetta var mjög mikilvægt skref fyrir okkur í baráttunni sem er framundan.“
Nánar er rætt við Ólaf í meðfylgjandi myndskeiði.