Bandaríski knattspyrnumaðurinn Chukwudi Chijindu, sem lék með Þór frá 2012 til 2014, er genginn til liðs við úrvalsdeildarlið Keflvíkinga og verður löglegur með því 15. júlí. Frá þessu er greint á vef Víkurfrétta.
Chuck, eins og hann er jafnan kallaður, var mjög drjúgur með Þór í 1. deildinni 2012 og úrvalsdeildinni 2013 en náði sér ekki eins vel á strik síðasta sumar. Hann skoraði 10 mörk í úrvalsdeildinni 2013 en komst ekki á blað síðasta sumar þegar hann missti mikið úr vegna meiðsla.
Chuck er 29 ára gamall og hefur leikið með nokkrum bandarískum liðum á ferlinum, m.a. eð Chivas USA í MLS-deildinni.