FH mætir írska liðinu Dundalk í annarri umferð í forkeppni Meistaradeildar Evrópu í knattspyrnu karla. FH-ingar sitja hjá í fyrstu umferð og í þegar dregið var í aðra umferðina í Nyon í Sviss í dag voru þeir í efri styrkleikaflokknum.
Takist FH-ingum að slá út andstæðinga sína í annarri umferð eru þeir búnir að tryggja sér tvær umferðir í viðbót. Liðin sem tapa í þriðju umferð Meistaradeildarinnar fara í fjórðu umferð Evrópudeildarinnar og leika þar um sæti í riðlakeppninni.
Leikir liðanna fara fram dagana 12/13 júlí annars vegar og 19/20 júlí hins vegar. Fyrri leikur liðanna fer fram í Írlandi og seinni leikurinn á Kaplakrikavelli, heimavelli FH.