Íslandsmeistarar Vals hafa boðað til fréttamannafundar síðdegis í dag þar sem kynntur verður til leiks nýr leikmaður félagsins.
Sterkur orðrómur hefur verið í gangi að Stjörnumaðurinn Ólafur Karl Finsen sé á leið til Valsmanna en það kemur í ljós klukkan 17 hvort hann sé leikmaðurinn sem Valsmenn eru að fá til liðs við sig. Samningur Ólafs við Stjörnuna rann út í dag en hann hefur leikið með meistaraflokki félagsins frá árinu 2010.
Ólafur, sem sleit krossband í byrjun tímabilsins á síðasta ári, kom við sögu í 12 leikjum Garðabæjarliðsins í Pepsi-deildinni á síðustu leiktíð og skoraði í þeim eitt mark.