Spánn mætir Þýskalandi í úrslitum
Setja bókamerki
Spánverjar unnu sannfærandi 3:0 sigur á Rússlandi í síðari undanúrslitaleik EM 2008 í knattspyrnu í leik sem fram fór í Vínarborg.
Markalaust var í hálfleik en Xavi Hernandez kom Spáni yfir með marki á 50. mínútu eftir undirbúning Andres Iniesta. Daniel Güiza kom Spáni í 2:0 á 73. mínútu og David Silva innsiglaði svo sigurinn með marki sínu sem kom á 83. mínútu. Var það Cesc Fabregas sem lagði upp síðari tvö mörkin.
Spánn er því komið í úrslitaleik EM og mætir þar Þýskalandi í leik sem fer fram á sunnudag. Er þetta í fyrsta sinn síðan 1984 sem Spánn leikur til úrslita á stórmóti. Þá tapaði liðið í úrslitum Evrópumótsins fyrir Frakklandi. Árið 1964 vann Spánn hins vegar EM og spurning hvort þeir endurtaki nú leikinn eftir svo langa bið.
Fylgst var með textalýsingu hér á mbl.is.
Eru að vakta stöðuna í bólusetningum barna
Fjöldi brota ríflega sexfaldaðist
Hjólandi fjölgar hægt en örugglega
Virknin færist í aukana innan 48 tíma
„Þakklátur að hanga í toppsætunum“
Gæti færst meiri kraftur í eldgosið
Innviðagjald skili 30 milljörðum
11 verða í framboði til embættis forseta Íslands