Óvíst hvort Nani mæti Þýskalandi
Nani æfði einn hluta af æfingu portúgalska liðsins í gær.
AFP
Setja bókamerki
Óvíst er hvort portúgalski kantmaðurinn Nani, leikmaður Manchester United, geti leikið gegn Þýskalandi í kvöld kl. 18:45 í B-riðli Evrópumótsins.
Nani hefur átt við meiðsli í hægri fæti að stríða en þessi meiðsli héldu honum frá keppni í tvo mánuði á nýliðinni leiktíð í Englandi. Paulo Bento þjálfari Portúgals sagði í gær að staðan yrði tekin á Nani eftir æfingu í dag en Nani er eini leikmaður Portúgals sem óvissa er um.
