Manchester United enskur meistari 2007
Setja bókamerki
Manchester United varð í dag enskur meistari í knattspyrnu í sextánda skipti þegar leik Arsenal og Chelsea á Emirates-leikvanginum lauk með jafntefli, 1:1. United er með sjö stiga forskot á Chelsea þegar liðin eiga bæði tvo leiki eftir en Chelsea varð að vinna í dag til að eiga möguleika á að halda meistaratitlinum á Stamford Bridge.
Þetta er níundi meistaratitillinn sem United vinnur undir stjórn Alex Fergusons, frá árinu 1993.
Gilberto Silva skoraði úr vítaspyrnu fyrir Arsenal á 43. mínútu eftir að Khalid Boulahrouz braut á Julio Baptista. Essien jafnaði á 70. mínútu eftir sendingu frá Shaun Wright-Phillips.
Þegar komið var framyfir leiktímann fékk Salomon Kalou gullið tækifæri til að tryggja Chelsea sigurinn en Jens Lehmann markvörður Arsenal varði frá honum á stórglæsilegan hátt. Emmanuel Eboue átti síðan þrumuskot í þverslána á marki Chelsea rétt áður en flautað var af.
Sex hafa greinst með listeríu
„Höfum ekki náð að skríða upp úr þeirri gryfju“
Telur forsendur fyrir vaxtalækkun
Krefjast stöðvunar framkvæmda
Vonast til að tjaldbúðir við HÍ standi áfram
Væri að ljúga ef ég segðist ekki stressaður
Bergnuminn í Hvalfirði
Skar höfuðleðrið af íslenskri konu