Gregory rekinn frá QPR

Stjórn enska 1. deildarliðsins QPR ákvað á fundi í morgun að reka knattspyrnustjórann John Gregory frá störfum í kjölfar slaks árangurs liðsins á leiktíðinni. QPR steinlá fyrir WBA, 5:1, í gær og situr eitt á botni deildarinnar með aðeins þrjú stig eftir sjö leiki.

Mick Harford einn úr þjálfarateymi QPR mun taka tímabundið við störfum Gregorys og stýra því í leiknum gegn Colchester á miðvikudaginn.

Í síðustu viku var Ítalinn Gianluca Vialli, fyrrum leikmaður og knattspyrnustjóri Chelsea, orðaður við knattspyrnustjórastarfið hjá Lundúnarliðinu en hann og stjórnarformaður félagsins, Gianni Paladini, eru góðir vinir og var Vialli á leik liðsins á dögunum.

• 2 blogg um fréttina

Bloggað um fréttina

• Gísli Foster Hjartarson: Þolinmæði er dyggð
• Guðmundur Örn Jónsson: Það var mikið!