Ferguson: Zenit öflugt í Meistaradeildinni

Alex Ferguson, knattspyrnustjóri Manchester United, sagði eftir ósigurinn gegn Zenit St. Pétursborg í leiknum um Stórbikar Evrópu í kvöld að rússneska liðið hefði burði til að ná langt í Meistaradeild Evrópu í vetur.

„Zenit er mjög gott lið og með mjög hreyfanlega leikmenn. Með svona spilamennsku munu þeir verða afar öflugir í Meistaradeildinni. Ég tel að við höfum sýnt okkar bestu hliðar eftir að við lentum 2:0 undir og mér fannst Tévez frábær, sennilega besti maður vallarins. Við fengum tækifæri til að ná betri úrslitum. Það var heitt í kvöld og miðað við aðstæður stóðu mínir menn sig vel," sagði Ferguson við fréttamenn eftir leikinn.

Vegna leiksins var leik Manchester United við Fulham í þriðju umferð ensku úrvalsdeildarinnar frestað.

• 4 blogg um fréttina

Bloggað um fréttina

• Bergur Thorberg: Léleg afsökun
• Pétur Orri Gíslason: Já Zenit verða háll sem áll í vetur.
• Ómar Ingi: Hendi Guðs my ass , Scholes dettur í blakstellingar og …
• Gísli Foster Hjartarson: Engin tíðindi fyrir þá sem fylgjast með