Íþróttir | Enski boltinn | mbl | 19.9.2008 | 20:29

Ferguson: Arsenal erfiðari en Chelsea

Arsenal er erfiðara lið að eiga við en Chelsea. Reuters

Alex Ferguson þjálfari Manchester United kann þá list betur en flestir að hella olíu á eld. Það hefur hann gert nú með því að lýsa því yfir að Arsenal sé erfiðari andstæðingur en Chelsea en lið hans mætir Chelsea á sunnudaginn kemur.

Er Ferguson fyrst og fremst að eiga við þá löngu sögu sem United og Arsenal eiga sem fjendur. „Auðvitað er Chelsea sterkt nú um stundir en sé litið til baka þá eru helstu viðureignirnar í sögunni milli Manchester United og Arsenal.“

Er tímasetning yfirlýsingar Ferguson vart tilviljun ein að mati fjölmiðla í Bretlandi.