Henry og Iniesta klárir í slaginn gegn United

Spænskir fjölmiðlar greindu frá því í dag að Thierry Henry og Andres Iniesta yrðu klárir í slaginn með Barcelona þegar liðið mætir Manchester United í úrslitaleik Meistaradeildar Evrópu í knattspyrnu sem fram fer í Róm í næstu viku.

Henry meiddist á hné í hinum magnaða sigri Barcelona á Real Madrid á dögunum og hefur verið frá keppni síðan. Hann er allur að braggast og sömu sögu er að segja um Andres Iniesta. Hann kenndi sér meins eftir leikinn á móti Chelsea í undanúrslitum Meistaradeildarinnar en Iniesta jafnaði metin á ögurstundu og tryggði Börsungum farseðilinn í úrslitaleikinn.

• 1 blogg um fréttina

Bloggað um fréttina

• Magnús Geir Guðmundsson: Hvernig hið "Ómögulega" gæti orðið hugsanlegt!?