Íþróttir | Enski boltinn | mbl | 3.7.2009 | 9:23

Owen fór í skoðun hjá Man.Utd í gær

Michael Owen hefur oft verið leikinn grátt af varnarmönnum. Reuters

Michael Owen, sókarmaðurinn kunni, gekkst í gær undir fyrstu læknisskoðun hjá Manchester United og fer í ítarlegri skoðun á Old Trafford í dag, samkvæmt frétt Sky Sports.

Ef læknar United verða sáttir við niðurstöðuna er reiknað með því að Owen skrifi undir samning við félagið en hann er laus allra mála frá Newcastle og kæmi því til meistaranna án greiðslu.