Rooney: Suárez átti að fá rautt
Setja bókamerki
Wayne Rooney, sóknarmaður Manchester United, telur að Luis Suárez hefði átt að fá rauða spjaldið í viðureign Liverpool og Tottenham í ensku úrvalsdeildinni í knattspyrnu í gærkvöld.
Suárez kom inn á sem varamaður í fyrsta leik sínum eftir að hafa afplánað átta leikja keppnisbann. Hann sparkaði í magann á Scott Parker í atgangi við mark Tottenham seint í leiknum og fékk gula spjaldið fyrir.
„Fyrst dómarinn sá sparkið frá Suárez og gaf honum spjald átti það að vera rautt,“ sagði Rooney á Twitter í gærkvöld.
Hann fékk sterk viðbrögð við þessum orðum en svaraði þá: „Ykkur sem talið um skaphitann í mér vil ég benda á að ég hef ekki fengið eitt gult spjald í úrvalsdeildinni í vetur.“
Gary Neville, fyrrverandi samherji Rooneys hjá United, sagði í lýsingu Sky Sports: „Suárez var heppinn, dómarinn gaf honum tækifæri þarna.“
Manchester United tekur á móti Liverpool í úrvalsdeildinni á laugardaginn kemur. Suárez fékk átta leikja bannið fyrir kynþáttaníð gagnvart Patrice Evra, leikmanni United, þegar liðin mættust í október.
Shakespeare fannst í skókassa
„Höfum ekki náð að skríða upp úr þeirri gryfju“
Kostnaður meiri en milljón á fermetra
Frambjóðendur skila inn listum í Hörpu
Hvorki sést áður hér á landi né annars staðar
Skar höfuðleðrið af íslenskri konu
Banna mengandi búnað sem leyfður er á Íslandi
Strand skemmtiferðaskips kallar á erlenda aðstoð