Ferdinand var í leit að síðasta ævintýrinu

Rio Ferdinand segist hafa valið að fara til QPR frá Manchester United til þess að upplifa eitt lokaævintýri áður en ferlinum lyki.

Þessi 35 ára miðvörður var í tólf ár hjá Man Utd eftir að hafa verið keyptur á metfé frá Leeds, en hann ákvað að framlengja ekki samning sinn við félagið eftir síðasta tímabil.

„Ég fékk mörg tilboð frá ýmsum stöðum í heiminum en þegar Harry [Redknapp] hringdi var þetta auðveld ákvörðun. Ég byrjaði ferilinn undir hans stjórn hjá West Ham og það má því segja að ég endi hann á ævintýralegan hátt,“ sagði Ferdinand á blaðamannafundi í dag.

• Blogga um frétt