Stoke City hefur lánað þýska knattspyrnumanninn Robert Huth til Leicester City út þetta keppnistímabil.
Huth er þrítugur miðvörður og hefur leikið í ensku úrvalsdeildinni samfleytt frá 2002. Fyrst með Chelsea í fjögur ár, þá með Middlesbrough í þrjú ár, og með Stoke frá 2009. Hann hefur spilað 244 deildaleiki á Englandi, þar af 149 með Stoke. Þá á Huth að baki 19 landsleiki fyrir Þýskaland.
Í vetur hefur Huth glímt við meiðsli og aðeins spilað fjóra leiki með Stoke á tímabilinu, einn þeirra í úrvalsdeildinni.
More on #lcfc's loan signing of experienced defender @robert_huth. http://t.co/QvCsvt73WW #huthlcfc #deadlineday pic.twitter.com/C6UdJkkYJp
— Leicester City (@OfficialFOXES) February 2, 2015