Enska knattspyrnusambandið hefur kært Jack Wilshere miðjumann úr bikarmeistaraliði Arsenal fyrir ósæmilega hegðun.
Wilshere er kærður fyrir að hafa sungið niðrandi söngva um erkifjendurna í Tottenham þegar leikmenn Arsenal fögnuðu bikarmeistaratitlinum á sunnudaginn þar sem þeir óku upp götur í London á opnum strætisvagni.
Wilshere hefur frest til 10. þessa mánaðar til að svara ákærunni en enski landsliðsmaðurinn hefur átt til að fara yfir strikið, bæði innan sem utan vallar.