Grannarnir Arsenal og Chelsea hafa lengi eldað grátt silfur saman í ensku úrvalsdeildinni, en það kemur fyrir að leikmenn fari á milli félaganna.
Dæmi um það eru William Gallas og Ashley Cole, en sá nýjasti er tékkneski markvörðurinn Petr Cech sem yfirgaf þá bláklæddu í sumar og mun standa á milli stanganna hjá Arsenal í vetur.
Stuðningsmenn Arsenal eru flestir í skýjunum yfir þeim kaupum og sumir eru þegar farnir að skjóta á Chelsea-menn á Twitter, eins og meðfylgjandi fylgja sýnir. Þar birti einn mynd af Cech fagna marki í Arsenal búningnum og skrifaði undir: „Þegar þú sérð liðið þitt skora mark í fyrsta sinn á ferlinum af því að það er engin rúta sem stendur fyrir þér.“
Vísar það til þess að Jose Mourinho, knattspyrnustjóri Chelsea, var oft talinn helst til varnarsinnaður á síðasta tímabili og oft líkt við að hann hafi lagt rútu í eigin vítateig.
When you see your team score a goal for the first time in your career because there is no bus to block your view. pic.twitter.com/aitL9dB3ch
— Danny Welbeck (@WelBeast) July 19, 2015