Brendan Rodgers fyrrverandi knattspyrnustjóri Swansea og Liverpool segist hafa hafnað fimm tilboðum frá því honum var sagt upp störfum hjá Liverpool í október.
Meðal þeirra liða sem sóttust eftir kröftum hans var Swansea en þegar Gary Monk var látinn poka sinn í desember fékk Rodgers tilboð um að taka aftur við velska liðinu en hann hafnaði því.
Rodgers segist vilja bíða fram á sumar að hella sér aftur út í þjálfun en hann stýrði Swansea frá 2010 til 2012 og fór þaðan til Liverpool.