Daniel Sturridge, framherji Liverpool, lét knattspyrnustjóra sinn, Jürgen Klopp, vita af því í viðtali við SkySports á dögunum að hann þráði að tryggja sér sæti í byrjunarliði Liverpool og spila heila leiki reglulega.
Sturridge kom ekkert við sögu í fyrri leik Liverpool gegn Villareal í undanúrslitum Evrópudeildarinnar á fimmtudagskvöldið og hefur einungis tekið þátt í þremur af síðustu sjö leikjum Liverpool.
„Fólk veit það kannski ekki en ég er leikmaður sem vil spila hverja einustu mínútu í öllum leikjum og það er erfitt að taka því að vera ekki í byrjunarliðinu eða vera tekinn af velli. Mig langar að vera inni á vellinum í hverjum leik og spila allan leikinn,“ sagði Sturridge í viðtalinu.
„Mér líður vel og líkaminn er kominn á þann stað að geta leikið marga leik í röð án þess að meiðast. Ég er því reiðubúinn að byrja alla leiki fyrir liðið. Ég er verulega metnaðarfullur og hungraður í árangur. Mig langar að hjálpa til við að vinna titla með Liverpool,“ sagði Sturridge enn fremur.