Henry skilur ekki drollið í Vardy

Thierry Henry er furðu lostinn yfir því að Jamie Vardy, leikmaður Leicester City, skuli hika við að taka ákvörðun um hvort hann gangi í raðir Arsenal eður ei.

Leicester varð að samþykkja 20 milljón punda tilboð Arsenal í Jamie Vardy en bauð honum nýjan samning í von um að hann yrði um kyrrt hjá Englandsmeisturunum. Vardy þarf því að ákveða hvort hann samþykki samningstilboð Arsenal eða Leicester City og vill leikmaðurinn bíða þar til EM í Frakklandi er liðið.

„Hann er 29 ára gamall og Arsenal er á höttunum eftir honum, og hann ætlar að íhuga málin?“ spurði Henry, einn besti leikmaður Arsenal frá upphafi, við BBC. Hann bætti við:

„Sko, ef ég væri í Leicester og Arsenal vildi fá mig, þá væri ég farinn.

• Blogga um frétt