Alþjóðaknattspyrnusambandið FIFA hefur gefið Liverpool grænt ljós á að nota Joel Matip á ný eftir að leikmaðurinn er sagður hafa neitað að spila með Kamerún í Afríkukeppninni.
Matip neitaði að spila með Kamerún í úrslitakeppni Afríkumótsins sem nú stendur yfir í Gabon, eftir að hafa verið valinn í undirbúningshóp fyrir keppnina. Þar með þarf knattspyrnusamband Kamerúns að gefa Liverpool heimild til að nota hann á meðan keppnin stendur yfir og hún hafði ekki borist.
FIFA ætlaði að skoða málið sérstaklega og hefur nú kveðið upp sinn úrskurð. Ef hann hefði ekki fengið leyfi til þess að spila hefði Matip getað misst af sex til átta leikjum, eftir því hve langt Kamerún næði í úrslitakeppninni.