Lallana búinn að skrifa undir

Liverpool tilkynnti það nú fyrir stundu að félagið hafi framlengt samning sinn við enska landsliðsmanninn Adam Lallana.

Lallana kom til Liverpool frá Southampton í júní 2014 og hefur reynst liðinu ákfalega vel. Hann hefur skorað 20 mörk í 117 leikjum og hefur verið einn besti maður liðsins á þessu tímabili. Lallana framengdi samning sinn við félagið um þrjú ár.

„Ég er mjög stoltur og er fullur auðmýktar fyrir þá trú sem félagið hefur á mer og sérstaklega knattspyrnustjórinn,“ segir Lallana í viðtali á vef Liverpool.

• Blogga um frétt