Diego Costa, framherji Chelsea, hefur viðurkennt að hann reyndi allt sem hann gat til þess að yfirgefa herbúðir félagsins síðasta sumar.
Hinn 28 ára gamli framherji varð ósáttur á síðasta tímabili eftir að hafa farið á kostum á sínu fyrsta á Englandi. Hann kom frá Atlético Madrid sumarið 2014 og vildi snúa aftur þangað í fyrra. Hann segir þó að nú vilji hann ekki fara þrátt fyrir orðróm þess efnis.
Antonio Conte tók við stjórn Chelsea í sumar og Costa segir að samband þeirra hafi ekki byrjað vel, þar sem Costa vildi fara. Hann þurfti hins vegar að gefa eftir og hefur farið á kostum á tímabilinu og skorað 17 mörk.