Íþróttir | Enski boltinn | mbl | 19.5.2017 | 10:58 | Uppfært 11:19

Getum unnið deildina á næstu leiktíð

José Mourinho, stjóri Manchester United. AFP

José Mourinho, knattspyrnustjóri Manchester United, hefur mikla trú á liðinu fyrir næstu leiktíð og býst hann við að liðið fari loks að berjast um Englandsmeistaratitilinn á nýjan leik. United hefur ekki verið nálægt því að vinna deildina eftir að Sir Alex Ferguson hætti árið 2013.

Það er ljóst að lærisveinar Mourinho enda í 6. sæti deildarinnar á þessari leiktíð. Fyrir síðasta leik tímabilsins er United 24 stigum á eftir Englandsmeisturum Chelsea, en Portúgalinn býst við betri árangri á næstu leiktíð.

„Við vorum ekki nálægt því að vinna deildina á þessari leiktíð, það eru lið með meiri stöðugleika, betri leikmannahópa og meiri tíma til að vinna með. Mér finnst við hins vegar hafa bætt okkur mikið á þessari leiktíð. Ef okkur gengur vel í félagsskiptaglugganum í sumar held ég að við getum unnið deildina á næstu leiktíð,“ sagði Mourinho