Javier Hernández gekk í raðir West Ham frá Leverkusen í gærkvöldi og hann getur ekki beðið eftir að mæta Manchester United í fyrsta leik tímabilsins. Hernández lék yfir 150 leiki fyrir United á sínum tíma.
„Ég verð örugglega spenntari en liðsfélagar mínir þegar við mætum United á Old Trafford í fyrstu umferð. Það verður gaman að heimsækja gamla heimavöllinn. Ég er mjög spenntur fyrir því að snúa aftur í bestu deild í heimi og við viljum berjast um Evrópusæti,“ sagði Hernández.
Leikur Manchester United og West Ham verður sunnudaginn 13. ágúst næstkomandi.